32. අප්‍රේල් මෝඩයා.......... April Fool

කට්ටියටම සුභ උපන්දිනයක් වේවා එහෙනම්.විශේෂයෙන්ම අද කාන්තා පාර්ශ්වයට වැදගත් දිනයක්ලු නේද? මමත් හරියටම දන්නේ නැහැ, හත වසරේ කෙල්ලෙක් තමයි මටත් කිව්වෙ.

උපුටාගැනීම - චූටි මල්ලි සහ පොඩි මල්ලි ෆේස්බුක් පිටුව

ඉතින් දවසේ වැදගත්කම ගැනත් හිතලා බලලා කාලෙකට කලින් අන්තිම පේලියට ලියුව එකක් ආයෙම උස්සන් ආවා.කලින්ම කියනවා උපුටාගත්තේ ඊයකින්. කියවන උන් කියවපල්ලා. බණින උන් බැනපල්ලා. අත කසනවටයි, ආසාවටයි ලියන්නේ.අනිත් කාරණේ හැම වෙලේම හැමෝවම සතුටු කරන්නත් බෑ, ඇත්ත සිද්ධිම හැම වෙලේම ලියන්න කියලා නීතියකුත් නෑනේ.

ටිකක් හයි-ෆයි ගෙදරක පොඩි උන් දෙන්නෙක් තමන්ගේ අම්මා තාත්තා සහ සේවක පිරිස සමග සතුටින් ජීවත් උනාලු. ඔන්න එක දවසක් මේ පොඩි උන් දෙන්නා සෙල්ලම් කරන ගමන් දොර බාගෙට වහලා තිබුන කාමරේක හීනි සද්දයකට කන් යොමු කලාලු. හඬ දිගේ ඇදිලා ගිහින් දොරේ යතුරු කටට චූටි ඇහැ තියලා බැලුවම ඇතුලේ අමුතු දෙයක්ලු. වහාම පොඩ්ඩෝ දෙන්නා අම්මා ළඟට දුවලා ගියාලු.

"අම්මේ, අම්මේ.. ඉක්මනට එන්න"

තමන් දැකපු දේ අම්මා එක්ක පෙන්නන්න පොඩ්ඩෝ දෙන්නට ඉස්පාසුවක් නෑ. 

"මොකක්ද දරුවනේ ඔය තරම්ම අරුම පුදුම දේ මට පෙන්නන්න යන?" 

අම්මත් කුස්සියේ වැඩ චුට්ටකට නවත්තලා පොඩි උන් එක්ක එන ගමන් අහනවා.

"අම්මා, ඉක්මණට එන්න. අර අපේ අළුත් ආයා ඉන්නේ..එයාගේ කාමරේ කවුදෝ මන්දා දැකලා නැති මිනිහෙක් ඉන්නවා. ඒ දෙන්නා ෆයිට් කරගන්නවද කොහෙද.." 

අම්මට තරු විසිවුනා මේක අහලා. පොඩි උන් ඇදගෙන යන නිසා බලන්නත් එපැයි. ඒ මදිවට පොඩ්ඩෝ දෙන්නා කමෙන්ට්‍රිය නතර කරන්නෙත් නෑ, 

"ඔව් අම්මා, අර මිනිහා ආයාගේ ඇඟ උඩ නැගලා ඉන්නේ, ඒ මදිවට ඇඳුම් ටිකත් ගලවලා දාලා" 

පොඩ්ඩෝ දුකින් වගේ කියනවා ආයාට වෙන අකරතැබ්බේ ගැන.

විලිලැජ්ජාවේ සන්තෝසේ බැරුව, කේන්තියෙන් පුපුර පුපුර කාමරේ දොර ළඟට ගිය පොඩ්ඩන්ගේ අම්මා එක පාරටම කාමරේ දොර ඇරියා. 

ඇස් අදහගන්නත් බෑ, 

ඒ මදිවට ලැජ්ජයි!

මෙන්න ආයා එක්ක මිනිහෙක් ඇඳේ උපන් ඇඳුමෙන්. මිනිහා වෙන කවුරුවත් නෙවෙයි, 

පොඩ්ඩන්ගේ තාත්තා! 

පොඩ්ඩන්ගේ අම්මා මළ අතට ගන්නකොටම පොඩ්ඩො දෙන්නා හූ තිය තිය හිනාවෙන්න ගත්තා.

"හූ හූ..අම්මා රැවටුණා නේද අපි කිව්වම දන්නැති මිනිහෙක් කියලා. අම්මා තමා අද අප්‍රේල් මෝඩයා. හූ හූ..ඒ අපේ තාත්තානේ.. හූ..හූ...." 

පසුව ලියමි:

ඔන්න ඔහේ පොඩි ජෝක් එකක් කරලා සතුටු උනාට කමක් නෑ මිනී මරන විහිළු නොකර. කැමති නම් මේ විදිහේ විහිළුවකුත් කරලා බලන්න, පාඩුවක් වෙන එකක් නැහැ කොහොමත්!