18. ආතල් ජෙමා | Jema - The Fun Guy

ඉස්සර අපේ ගෙදර පොතක් තිබුනා "ජේමිස් බණ්ඩා" කියලා. මේ පොත ලියලා තිබුනේ ඩීමන් ආනන්ද මහත්තයා. ඉස්කෝලේ යන කාලේදී අපි ඉතින් ත්‍රාසජනක ජවනිකා වලට පණ ඇරලා නිසා මේ පොතේ එන ජේමිස් බණ්ඩා කියන වීරයටත් පට්ටම ලයික්. පොත කියවලා ටික කලක් ගිහින් තමයි දන්නේ ජේමිස් බණ්ඩා පොතට වඩා ජනප්‍රිය සිනමාවේ කියලා. මේ කියන ජේමිස් බණ්ඩා වෙන කවුරුවත් නෙවෙයි, අර ගිය ගිය තැන එක එක ගෑණු සෙට් කරගන්න ජේම්ස් බොන්ඩ් කියන හාදයා තමයි.

http://pickuplabs.com

පෙරේදා උදේ පොඩි එකාව නලවන වෙලේ ඔන්න පරණ බැචෙක් කතා කරපි. ආගිය තොරතුරු කතා කරන අස්සෙම හම්බු වෙන්නේ කාවද, දැක්කේ කාවද කියලත් කතාබහ කළා. එතැනදී තමයි ජේමිස් බොන්ඩ් ගැන කතා උනෙත්. එහෙ එකා නෙවෙයි , මෙහෙ අපිත් එක්ක හිටිය ලෝකල් "ජෙමා" ගැන. මේ ජෙමා අරකට වඩා හාත්පසින්ම වෙනස්. එංගලන්තේ එකා වගේ ගෑණු එක්ක නැටුවේ නෑ, පිස්තෝල ඇදන් මිනී මැරුවේ නෑ, හැබැයි හිටපු අවුරුදු හතරේ පට්ටම ආතල් ටිකක් දුන්නා. එයින් දෙක තුනක් වමාරන්නයි මේ සූදානම.

http://lh5.ggpht.com

කැම්පස් වලට අළුත් නැවෙන් ෆ්‍රෙෂාලා එනකොට ශිෂ්‍ය නම්මිකරණය කියලා ගොන් ආතල් එකක් දෙනවනේ. අපේ වෙල මැද මොන්ටිසොරියේත් ඕක තිබුනා. කොහොම හරි මාසයක්, දෙකක් යනකම් ඔය වැඩේ සිද්ධ වෙනවා. මේ අතරත් අළුතින් එක එකා අළුත් බැච් එකට එනවා. ඒකට කියන්නේ බෝට්ටුවේ එනවා කියලා. සමහර වෙලේට අද නොහිටපු දහයක් පහළොවක් හෙට අළුතින් ඇවිල්ලා. ඉතින් එකම බැච් එකේ උන්ටත් එක පාරම තමන්ගේ බැච් එකට අළුතින් ආවේ කවුද කියලා හොයාගන්න අමාරුයි.

කොහොම හරි උදේ ඉඳන් හවස් වෙනකම් ජ්‍යෙෂ්ඨ උත්තමයෝ අතින් කර්ණශංකය කීරි ගැහෙන තරම් කුණුහබ්බ අහලා හොස්ටල් වලට ගාටන කුණු ෆ්‍රෙෂාලා ඊලඟට කරන්නේ අර බෝට්ටුවෙන් ආපු අහිංසකයන්ට තමන්ගේ පීඩනය මුදාහරින එක. යකෝ UGC එකෙන් උන්ව පරක්කු කරලා එව්වට උන් පලිද? ඒ උනාට නැවේ ආපු උන් කියන්නේ උන් මුල ඉඳන්ම රැග කාපු නිසා බෝට්ටුවේ එන උන්ටත් ටිකක් හරි ඒක දැනෙන්න ඕනෙලු, නැත්නම් අර අම්මගේ රෙද්දේ උප සංස්කෘතියට හැඩ ගැහෙන්න බැරිලු. ජෙමත් ඔය සෙට් එකේ මුල්තැන අරගෙන තමයි හිටියේ.

සිකුරාදා හවසක ලෙක්චර්ස් ඉවරවෙලා හැමෝම ගෙවල් බලා යන්න ලෑස්ති වෙනවා. බස් එකක් එනකම් හෝල්ට්එකට වෙලා ඉන්නකොට ජෙමා දැක්කා නුපුරුදු මුණක්. අහිංසක පෙනුමැති නම්බර් ප්ලේට් එක එච්චර මීටර් නැති නිසා ජෙමා මරිසිය දාන්න පටන්ගත්තා.

ජෙමා : ඒයි, උඹ මේ කැම්පස් එකේද බන්?

අර නුපුරුදු මුහුණ අහිංසක හිනාවක් දැම්මා, ඒත් කතා කලේ නෑ.

ජෙමා : ඇයි යකෝ, උඹ ගොළුද? උඹේ නම් කිසිම කැම්පස් ලුක් එකක් නෑ බන්. රෑ වෙලා අපේ රූම් එක පැත්තේ වරෙන්කො අපි උඹව හදලා ගන්නම්....

කිසිම වෙනසක් නෑ අනිත් එකා හිනාවක් දාගෙනම අර අහිංසක බැල්මට් එකෙන්ම හිටියා. ටික වෙලාවකින් සින්නො දෙතුන් දෙනෙකුත් බස් එකට නගින්න ආවා. අර ලස්සන වාග් අලංකාරය දාලා අපේ උන්ට ආමන්ත්‍රණය කරපු සින්නො කරමින් හිටි වැඩේ ගැන ජෙමාගෙන් ඇහුවා. ජෙමා බොහොම බය පස්සපාතිව උත්තර දුන්නා.

"ජ්‍යෙෂ්ඨ උත්තමයා, අපි මේකා එක්ක කතා කර කර හිටියේ. මේකට කිසිම කැම්පස් ලුක් එක්ක නෑ කියලා කියා කිය හිටියේ..." එහෙම කියනකොටම ආපු සින්නො සෙට් එකේ මූණු වෙනස වෙලා ගියා. ජෙමාව අළු වෙන බැල්මක් දාලා ආපු එවුන් ආයෙම කුණුහරුප වපුරන්න ගත්තා,

"තෝ දන්නවද මේ කවුද කියලා. මේ යකෝ අපේ 4th  year උත්තමයෙක්......"

එතනින් එහාට බස් හෝල්ට් එකේ කිසිම දෙයක් උනේ නෑ ජෙමාගේ වෙලාවට බස් එක ආපු නිසා. ඒ උනාට ඊලඟ සඳුදා ජෙමාට අමතක මතක කැටගරියේ ඉහළම අත්දැකීමක් ලැබුන බව හිතාගන්න පුළුවන්නේ.

http://www.troll.me

ඔන්න ඉතින් අපිත් එක වසරේ ඉඳන් දෙක වසරට ගියාම අළුත් නැව එන කාලෙට සුපුරුදු නම්මිකරණ සෙල්ලම ලැජ්ජා නැතිව පටන් ගන්නවා. ඇයි යකෝ අපි අහපු කුණුහරුප අපේ ජුන්ඩන්ගේ කන් අස්සේ පිරෙව්වේ නැත්නම් අපිට කොයින්ද ආතල් එකක්? සැනසීමක්?? ඉතින් හැමෝම එක පොරේට නම්මිකරණයට සෙට් වෙලා. අපේ බැචෙක් ඕකට දීපු නම තමයි "ලිංගික යුද්ධය" කියන එක.

ඉතින් ඔන්න අළුත් නැවේ ආපු ජුන්ඩියෝ අතර කොළඹ පැත්තෙන් ආපු කීරි ටොයියෙකුත් හිටියා කේතකි කියලා. හැම එකාම පොරේ කේතකිව රැග් හුරතල් කරන්න. හොස්ටල් ගිහිනුත් කේතකි ගැන තමා ටෝක. දවසක් හොස්ටල් එකේ හීනියට අඩියක් දාන ගමන් කේතකිට වහ වැටිලා හිටිය අපේ එකෙක් කේතකිගේ පුරාජේරුව ජෙමා එක්ක දිග අරින්න ගත්තා. ජෙමාට එව්වා වැඩක් නෑ බොන්න තියේ නම්.කේතකි ගැන විතරක් නෙවෙයි පවුලේ උන් ගැනත් අරූ පම්පෝරි ගහනවා හරියට උගේ කෑල්ල වගේ.

"ජෙමා, උඹ දන්නවද කේතකිගේ කොල්ලා පයිලට් කෙනෙක්ලු බන්.."

උගුරක් කටේ හලාගන්න ගමන් ජෙමා උත්තර දෙනවා, 

"වැඩක් නෑනේ බන්. ප්ලේන් එකක වැඩ කලත් ඌත් ඩ්‍රයිවර් කෙනෙක් නේ බන්."

ජෙමා කේතකිගේ පුරාජේරු නොකවුට් කලේ එහෙමයි.

http://cdn.memegenerator.net

ජෙමා අපිට විතරක් නෙවෙයි එළියේ උන්ටත් හොඳ ආතල් දුන්නා. තුන වසරේදී අපි හැමෝම දඩ රිසර්ච් එකක් කරන්න ඕනේ. ජෙමා ඕක කලේ පොල් පර්යේෂණ ආයතනයේ (CRI). රිසර්ච් එකේ අංගයක් හැටියට ජෙමාට කුකුල්ලු සෙට් එකක් කෑම බීම දීලා බලාගන්න තිබුනා. හැමදාම රේෂන් එකකට කුකුලන්ට කෑම දාලා උන්ගේ බර කිරලා, ලෙඩ බලලා හෙන data set එකක් ගන්න ඕනේ. මේ වැඩේ දිනපතාම අනිවාර්යයෙන් කරන්න ඕනේ. එක දවසක් හරි මිස් උනොත් දත්ත නිවැරදි වෙන්නේ නෑ. ඉතින් ජෙමා සතියේ හැමදාම ලුණුවිල අදිනවා මේ වැඩේට.

රිසර්ච් එක අස්සේ සිංහල අවුරුද්ද ආපි. CRI එකේ ඔක්කොම උනුත් අවුරුදු සමරන්න පිටත් උනා. ජෙමාගේ external supervisor හැටියට වැඩ කරපු ඩොක්ටර්ත් අවුරුද්දට ගම්බිම් බලා ගියේ තමන්ගේ සුවච කීකරු ගෝලයට කුකුල්ලු ටික බාර දීලා. ජෙමාට පට්ට අවුල් අවුරුද්දටවත් ගෙදර යන්න නැතිවෙච්ච එක ගැන. මොනවා කරන්නද? සුසුම් හෙල හෙලා කුකුල්ලු බලාගෙන ඉන්න අතරේ ජෙමාගේ ඔළුවට ආවා ඉටිකිරිස් අදහසක්. ඊළඟ දවසෙ උදෙන්ම තමන්ගේ අපූරු අදහස ක්‍රියාත්මක කරපු ජෙමා දවල් වෙනකොට කොහොම හරි නුවර පැත්තේ තමන්ගේ ගෙදරට යාගත්තා අවුරුදු සමරන්න.

දවස් දෙකයි ගියේ. ජෙමාට එනවා කෝල් එකක් කැම්පස් එකේ internal supervisorගෙන් වහාම කැම්පස් එකට වාර්තා කරන්න කියලා. ජෙමා කඩිමුඩියේ කැම්පස් ගියාම තත්වය ගූ එකයි වැලි බාල්දි හතක් වෙලා. External Supervisor පැමිණිලි කරලා එයා රිසර්ච් එකෙන් අයින් වෙනවා කියලා ජෙමාගේ වැඩ නිසා. මොකද උනේ කියලා internal supervisor අහන කොට ජෙමා තමන් කරපු දේ කිව්වා. 

අවුරුද්දට ගෙදර යන්න ඕනේ නිසා දවස් ගානට හරියන්න වෙන වෙනම භාජන වලට අදාළ කුකුල් කෑම ප්‍රමාණය දාපු ජෙමා ඒ භාජන ටික කුකුල් කූඩුව ඇතුලේ තියලා ඇවිල්ලා, හරියට කුකුල්ලු අදාල දවසේ කෑම සලාකය විතරක් කාවි කියන උපකල්පනයේ ඉඳලා. External Supervisor ජෙමා ගිය දාට දවස් දෙකකට පස්සේ එනකොට කුකුලන්ටයි, රිසර්ච් එකටයි වෙන්න ඕනේ හරිය වෙලා ඉවරලු.

http://student.santarosa.edu