10. ආචාරශීලීව මූත්‍රා කරමු! | Pee Polite

කාලෙකින් බ්ලොග් කෙරුවාව කරන්නත් බැරි උනා. ඒ තරම් වැඩ. ඔන්න ඔහේ අහලා තිබුණ ඉස්කෝලේ මුත්‍රා කතා දෙකක් දැම්මා පාළු මකන්නත් එක්ක. ඔන්න ඔහේ ආපු එකේ කියවලම යන්නකෝ.

එක්තරා ඉස්කෝලෙක (අපේ ඉස්කෝලේ නම් නෙවෙයි ඔන්න) එක පන්තියක උගන්නන ගමන් එක ටීචර් කෙනෙක්ට හිතුනලු මේ ළමයින්ට හොඳ පුරුදු ටිකකුත් කියලා දෙන්න ඕනේ කියලා. ඉතින් ඔන්න ටීචර් ළමයින්ගෙන් අහන්න පටන් ගත්තා එයාලා හොඳ පුරුදු දන්නවද කියලා.

"මයිකල් කියන්න බලන්න ඔයා කවුරු හරි ලස්සන ගෑණු ළමයෙක් එක්ක රෑ කෑමකට යනවා. එතකොට ඔයාට මුත්‍රා කරන්න යන්න ඕනේ උනොත් කොහොමද ඔයා ඒක අර ගෑණු ළමයට කියන්නේ?"

 

මයිකල් කියනවා, "විනාඩියක් ඉන්න. මං චූ කරලා එනකම්!"

 

ටීචර් - " අපෝ එහෙම කියන එක කැතයි, ඒ වගේම ආචාරශීලි නෑ. හොඳයි සමන් කියන්න බලන්න ඔයා කොහොමද කියන්නේ?"
 

සමන් - "සමාවෙන්න, මම චුට්ටකට බාත් රූම් එකට ගිහින් එන්නද?"

 

"ඒක නම් ටිකක් හොඳයි. ඒත් කෑම මේසේදි බාත් රූම් කියන වචනේ කියන එක ටිකක් හරි මදි. කමක් නෑ, පුතා කියන්න බලන්න ඔයා කොහොමද කියන්නේ කියලා?" ටීචර් රංචා දිහාට හැරෙන ගමන් කිව්වා.
 

රංචත් නැගිටලා උත්තර දුන්නා, 

" මයි ඩියර්, මට විනාඩියකට සමාවෙන්න. මම හොඳට අඳුනන යාලුවෙක් එක්ක ශේක් හෑන්ඩ් (අතට අත දීලා) කරලා ඉක්මනට එන්නම්. මං බලාපොරොත්තු වෙනවා රෑ කෑමෙන් පස්සේ එයාව ඔයාට අඳුන්නලා දෙන්න!"

ටීචර් සිහි නැතුව ඇදන් වැටුනලු!

රංචා පොඩි කාලේ වෙන වෙන වැඩ හොඳට කලාට මොකද මූට කලිසම තෙමාගන්නේ නැතුව මූත්‍රා කරන්න තේරෙන්නේ නෑ. ගෙදර උනුත් හැමදාම කියලා දෙනවා, වෙනසක් නෑ සුපුරුදු පරිදි කලිසම තෙමාගන්නවා. පන්ති භාර මිස්ටත් මේක හරි වධයක් ඇයි මූ මූත්‍රා කරගත්තම මිස්ටනේ හෝදන්න වෙන්නේ (සමහර විට ඒක හින්දම මූ එහෙම කළාද කියලා දන්නෙත් නෑ). 

මොකද කරන්නේ කියලා කල්පනා කරපු මිස්ට දවසක් ගණදෙවි නුවණ පහළ උනා. මිස් හිතුවා මූට මේක ප්‍රායෝගික ක්‍රියාකාරකමක් විදියට උගන්නන්න. රංචට කතාකරපු මිස් දැන් පාඩම උගන්නනවා.
 

"පුතා මූත්‍රා කරන්නා ආයෙම යනකොට මං මේ උගන්නන විදිහට පියවරෙන් පියවර කරන්න. එතකොට කලිසම තෙමෙන එකක් නෑ." 

ඔළුව වනලා එකඟතාව පෙන්නුව කොළු පැටියා පාඩමට ලෑස්ති උනා.
 

"ටොයිලට් එකට මූත්‍රා කරන්න ගියාම මුලින්ම එක කියලා කලිසමේ සිප් එක අරින්න. දෙක කියලා ඔයාගෙ කුරුල්ලව (ඔව්, ඔව්, ඒක තමයි!) එලියට ගන්න. තුන කියලා චුට්ටක් පස්සට කරන්න. හතර කියලා මූත්‍රා කරන්න. පහ කියලා ඉස්සරහට කරන්න. හය කියලා කුරුල්ලව කලිසම ඇතුලට දාගන්න. හත කියලා සිප් එක වහගන්න. ඔය විදිහට කරලා බලන්නකෝ". 

කොල්ලත් හිස් මුදුනෙන්ම ටීචගේ උපදෙස පිලි අරන් වැඩ කරන්න පටන් ගත්තා.
 

දැන් නම් කොල්ලා කලිසමේ මුත්‍රා කරගන්නේ නෑ. ටීචගේ උපදෙස වැඩකරලා වගෙයි කියලා ටීචට තේරුනා. කෝකටත් චෙක් කරලම සැක දුරු කරගන්න හිතපු ටීචර් දවසක් කොළුවා මුත්‍රා කරන්න ගියාම ටොයිලට් එක ළඟට ගිහින් දොරට කණ තියලා අහගෙන හිටියා. කොළුවා පාඩම කටින් කිය කියා මුත්‍රා කරනවා. පාඩමේ අවුලක් වගේ දැනුන ටීචර් තවත් හොඳින් දොරට කණ තියලා අහන්න පටන් ගත්තා. දැන් ටීචර්ට හොඳට ඇහෙනවා කොල්ලා පාඩම ප්‍රැක්ටිස් කරනවා මෙන්න මෙහෙම කිය කිය,

" තුන-පහ..තුන-පහ...තුන......."