22. පච්ච කතා | Tattoo Stories

බොබ් කිකිළි ගැන කියපු වෙලේ අපේ Dude මරු කතාවක් කියලා තිබුනා බොබ් පච්චේ ගැන. කොහොමත් Dude පච්ච කතා කියන්න රුසියා බව දැනගත්තේ ඇන්ඩි ගහපු පච්චේ ගැන කියෙව්වට පස්සේ. ඕකෙන් මේකෙන් මටත් හිතුනා අහලා තිබුන පච්ච කතාවක් දෙකක් කියලා දාන්න. පච්ච ගහන එක දැන් නම් ඉස්සර වගේම අසීරු වැඩක් නෙවෙයි හින්දද කොහෙද දැන් ගොඩක් එව්වෝ පච්චයක් කොටාගන්නවනේ. 

http://4.bp.blogspot.com

වතාවක් මම UNDP එකේ ව්‍යාපෘතියකට සම්බන්ධ වෙලා හිටියා (මෙහෙම හිටියට අපිත් හෙණ පොරවල්, හරිය?). මේකේ මාකට් රිසර්ච් එකට සම්බන්ධ හැම දෙයක්ම කලේ මමයි, මගේ ගජයා කලාබරයි. ඔන්න ඉතින් අපි දවසක් එකියෙක්ව ඉන්ටර්විව් කරන්න ගියා බම්බලපිටියේ තියෙන ලොකුම පච්ච පොට් එකකට. මේ ඉන්ටර්විව් කරන්න ගියේ එතන ලොක්කිව. 

ඉන්ටර්විව් එක පටන්ගන්න හම්බු උනේ නෑ එකෙක් එනවා මිහරකා වගේ මූණ අහවල් එක කොරන්. බැලින්නම් මේකා දවස් දෙකකට, තුනකට කලින් දකුණු අතේ පිටි අල්ලේ තඩි පච්චයක් කොටාගෙන. මේ ගෝතයා දැන් එනවා පච්චේ මකාගන්න. ස්ථිරවම කොටපු පච්චයක් නිසා එක පාරම මකලා දාන්නත් බැහැලු. ඒක නිසා පච්ච ලොක්කි අර යකාට කිව්වා ලබන සතියේ වැඩේ පටන්ගමු කියලා. මූ අදම කරන්න ඕනේ කියලා හැපෙනවා. ඇයි අදම? ලොක්කි අහනකොට අරකා කියපි හෙට ඌට රජයේ තැනක රස්සාවකට ඉන්ටර්වීව් යන්න තියෙනවා කියලා!

ඒක නිසා පච්ච කොටනවා නම් ටිකක් කල්පනාවෙන් කොටන එක ඇඟට ගුණයි. නැත්නම් ඉතින් පසුවට කරදර ගොඩයි. මේ පහළ කතාවේ හාදයට උනෙත් ඔය වගේම වැඩක්.

අපේ හිතවත් ටියුලිප් මහත්තයා ඊයේ රෑ ගෙදර යනකොට යක්කු ගස් නැගලා පොලුත් කඩන් බැහැලා විමාන කරා යන වෙලාවලු. ගෙට ගොඩ වදින්න හම්බු වුනේ නෑ ටියුලිප් මහත්තයගේ ආදර සූකිරි කැටේ, ඒ කියන්නේ ඩැෆඩිල් නෝනා ටකරමට දෙකයි දෙකේ පොල්ලෙන් ගහනවා වගේ සුපුරුදු ප්‍රශ්න කිරීම ඇරඹුවා...
 

"කොහෙද ඔහේ මෙච්චර රෑ වෙනකම් ලැග්ගේ?" 

ඩැෆඩිල්ගේ සුපුරුදු ප්‍රශ්නෙට ටියුලිප්ගෙන් ලැබුනේ නුපුරුදු උත්තරයක්. 

"මං පච්චයක් කොටාගන්න ගියා වස්තුවේ"
 

"පච්චයක් කොටන්න?" 

ඩැෆඩිල් හොල්මන්ද කරි ලීව්ස් වෙලා උත්තරේට, 

"මොන මගුල් පච්චයක්ද කොටාගත්තේ??"
 

ටියුලිප් ආඩම්බරෙන් උත්තර දෙනවා, 

"මං රුපියල් පන්දාහේ නෝට්ටුව කොටාගත්තා මගේ අහවල් එකේ!"
 

"මොකක් කිව්වා??" 

මයිල් ඉස්මයිල් වෙච්ච ඩැෆඩිල් කම්මුලේ අත ගහගත්තා, 

"ඇයි මිනිහෝ, මොන කෙංගෙඩියටද රුපියල් පන්දාහේ නෝට්ටුව පච්ච කොටාගත්තේ? ඒ මදිවට තමුසෙගේ අහවල් එකේ???"
 

"ඔව්. ඇයි මොකද? ඉන්නවකෝ මං ඔහේට සීන් කෝන් එක තේරුම් කරලා දෙන්න" 

දාගත්ත අඩි තුන හතරේ අනුහස බහින්න කලින්ම වයිපරේට සිද්ධිය තේරුම් කරන එක හොඳයි කියලා හිතුන ටියුලිප් මහත්තයා හේතු දැක්වීම ආරම්භ කලා.

පළවෙනි හේතුව - මං කැමතියි මගේ සල්ලි වර්ධනය වෙනවා දකින්න.

දෙක - මං ආසයි ඔහේ නිකම් ඉන්න වෙලාවට මගේ සල්ලි අතගානවට.

තුන - මට ඕනේ සල්ලි මගේ අතට දැනෙන හැටි විඳින්න.

අන්තිම කාරනේ - ඔයාට මීට පස්සේ ෂොපින් යන්නේ නැතුව ගෙදරටම වෙලා ඔයා කැමති ඕනේ වෙලේක මගේ රුපියල් පන්දාහේ නෝට්ටුව අතේ තියන් ඉන්න පුළුවන්නේ.....

මහ ඉස්පිරිතාලේ දැඩි සත්කාර ඒකකේ ඇඳක ටියුලිප් මහත්තයා දැන් ඉන්නවලු. 

http://delcampe-static.net

 ☻☺♥♦♣♠•◘○◙♂♀♪♫☼►◄↕‼¶§▬↨↑↓→←∟↔▲▼!"#$%'(

අනිත් කතාවේ කතානායකයා ඔය තරම්ම ඉල්ලන් කෑවේ නෑ, හැබැයි නුලෙන් බේරුනේ. ඒකත් කියවලම බලන්නකෝ.

ලිවේරා කියන්නේ හොඳ උස මහත පොරක්. දවසක් දා බාර් එකකට ගොඩ වැදුණ .මෑන්ස් ෂොට් එකක් දාගන්න ලෑස්ති උනා. ලිවේරා ෂොට් එක හලාගන්න අල්ල පනල්ලේ මෑන්ස් දිහා ඇහැ ගහන් හිටපු ගෑණු පරාණයක් හෙමීට මෑන්ස්ට කිට්ටු කළා.

"ඔයා රගර් ප්ලේයර් කෙනෙක් නේද?"

ඇහැ කරකෝලා අමුතු බැල්මට් එකක් දාන ගමන් අර ලඳ ආපු පොරගෙන් ඇහුවා. .ඔළුව වනලා ඒක හරි කිව්ව අපේ ක්‍රීඩකයා මේ ලලනාව එක්ක පොඩි කයියක් ගහන්න ගත්තා. කයිය කෙළවර උනේ දෙන්නම ලිවේරා අළුතින් ගත්ත අපාට්මන්ට් එකට යන්න සෙට් වීමෙන්.

--මෙතනින් එහාට පොඩි එවුන් ටික දුවපියවූ-----------

 

ඔන්න ඉතින් ගෙදෙට්ට ගිහිල්ලා දෙන්නම අර මේරියන්ස් නලින් කියන සින්දුව "කරන්න" පටන් ගත්තා.

♪♫► පළමුව සිනාසී - දෙවනුව ටෝක දී -  

තෙවනුව ගෙවල් පැත්තේ අරන් යයි ◄♫♪
♪♫► ඉන්පසු ප්‍රේම ගඟේ - පීනාලා සතුටින් -  

ප්‍රේම කරයි දෙන්නට දෙන්නා.... ◄♫♪

ඔන්න පටන්ගත්ත ගමන්ම රගර් ලිවේරා තමන් ඇඳගෙන හිටිය ටී ෂර්ට් එක ගලවලා පැත්තකට විසිකරලා දැම්මා. එතකොට තමයි අර ලලනාව දැක්කේ ලිවෙරාගේ උරහිසේ Reebok කියලා පච්චයක් කොටලා තියෙන බව. ඇයි එහෙම පච්චයක් කෙටුවේ කියලා ආපු කෙල්ල ලිවේරාගෙන් ඇහුවා.

"මම TV එකේ මොනවා හරි වැඩසටහනකට ගියාම මේ පච්චේ පේන විදිහට තමයි ඉන්නේ. පච්චේ TV එකේ පෙන්නන හැම වතාවකටම මට Reebok එකෙන් ගෙවනවා."

http://favim.com

ටික වෙලාවකින් අපේ ක්‍රීඩකයා දාඩිය වැඩි නිසාමද මන්දා තමන් ඇඳගෙන හිටිය බොටම් කලිසමත් ගැලෙව්වා. මෙන්න යකෝ කකුලේ ඇස්වටේ හරියේ NIKE කියලා තව පච්චයක් කොටලා. කෙල්ල ආයෙම පරණ ප්‍රශ්නේ දමලා ගැහුවා.

"අර කලින් REEBOK එක වගේම තමයි. මෙයාලත් මට මේ පච්චේ TV එකේ පෙන්නන හැම පාරකටම ගෙවනවා."

ඊට පස්සේ මේ හාදයා තමන් ඇඳගෙන හිටිය අන්ඩර්වෙයාර් එකත් ගලවලා දැම්මා රස්නේ දරාගන්නම බැරිව. මෙන්න යකෝ ලිවේරගේ අහවල් එකේ පච්ච කොටලා AIDS කියලා. මේ පාර නම් අර කෙල්ල එකසිය ගාණට කලබල උනා.

"අනේ දෙයියනේ, මට කියන්න එපා ඔයාට AIDS තියෙනවා කියලා ඔන්න!?"

බයෙන් බයෙන් පස්සට යන ගමන් ලලනාව කියන්න ගත්තා.

"නෑ නෑ, කලබල වෙන්න එපා"

ලිවේරා කෙල්ලව සන්සුන් කරන්න පටන්ගත්තා.

"තව මිනිත්තුවෙන් ඕක ADIDAS කියලා ලස්සණට පෙනේවි......"

පසු ලියමන : බොබ් පච්චේ ගැන කියෙව්වා නේද? ඒකට අපේ කලාබර ඇඳපු චිත්‍රෙ තමයි මේ.

මෙන්න ගලයාගේ Facebook පිටුව