15. අයිරිෂ් රෝසි | The Irish Prostitute

හෙන්රි අයියගේ බ්ලොග් එක පැත්තේ ගියාම කියවන්න විතරක් නෙවෙයි බලන්න ලස්සන චිත්‍රත් ඇඳලා තියෙනවා. ඒක නිසා ඔන්න මමත් අද චිත්‍රයක් ඇඳලම වැඩ පටන්ගන්න හිතුවා. කොහොමද බලන්නකෝ චිත්‍රෙ. මල් හතයි නේද?

  

දැන් නම් ඉතින් කට්ටියම දන්නවා මම මේක ඇන්දේ නැති බව. ඇත්තටම මේක ඇඳලා තියෙන්නේ ජෝ කැස්ටිලෝ (Joe Castillo) කියලා චිත්‍ර ශිල්පියෙක්. එයාගේ වෙබ් සයිට් එකට ගියාම ජෝගේ වැඩ කෑලි තව බලාගන්න පුළුවන්. මේ චිත්‍රය දිහා බලන ඕනේ කෙනෙකුට පේනවා මේ යේසුස් වහන්සේගේ චිත්‍රයක් කියලා. තවත් හොඳින් බලන කෙනෙක්ට පේනවා යේසුස් වහන්සේගේ චිත්‍රය නිර්මාණය වෙලා තියෙන්නේ තව පොඩි පොඩි චිත්‍ර වලින් විත්තිය. තවත් ටිකක් වෙලා අරන් බැලුවොත් පෙනේවි ඒ පොඩි පොඩි චිත්‍ර වලින් ජේසු බිළින්දාගේ උපතේ සිට කුරුසියේ ඇණ ගැසීම වෙනකම්ම ජේසු චරිතයේ එන වැදගත් සිදුවීම් ඇඳිලා තියෙන බව. වැඩියෙන් කල් අරන් බලන්න. වැඩියෙන් දේවල් දැකගන්න පුළුවන් වෙයි.

පෝස්ට් එකට දාලා තියෙන ටයිට්ල් එකෙයි මේකෙයි සම්බන්ධේ මොකක්ද?

තියෙන එකම සම්බන්ධය උඩ තිබුන චිත්‍රය මට ඊමේල් එකක් දිගේ ආපු ගමන් යට ලියන කතාව මතක් වෙච්ච එකයි. දෙකම ආගමට සම්බන්ධ එව්වා. යට කතාව සිද්ධ උනේ එංගලන්තෙයි අයර්ලන්තෙයි නිසා කවුරුත් ගණන් ගන්නෙපා. අනික මේ කතා වලින් ආගමකට අපහාස කරන්න කොහෙත්ම බලාපොරොත්තුවක් නෑ. ඔන්න එහෙනම් කතාව.

අයිරිෂ් පවුලක කෙල්ලෙක් එංගලන්තේ රස්සාවට ගියා (බෝට්ටුවේද ගියේ කියලා අහන්නෙපා). ගියා ගියාමයි කෙල්ලගෙන් කිසිම ආරංචියක් නෑ. අවුරුදු දෙකකට විතර පස්සේ කෙල්ල එක පාරටම දිස්නේ ගගහ ගෙදර ආවා. කෙල්ල දැක්කා විතරයි කෙල්ලගේ තාත්තට මළ විකසිත උණා.
 

"කොහෙද බොල මෙච්චර කල් හිටියේ? මොකෝ උඹ අපිට කතා කලේවත් නැත්තේ? උඹේ වයසක අම්මා කොයි තරම් හීල්ලුවද උඹව මතක් කරලා."
 

කෙල්ලගේ ඇස් වලින් කඳුළු කැට වැගිරෙන්න ගත්තා. අඬ අඬ, හොටු පෙරාගෙන කෙල්ල උත්තර දෙන්න ගත්තා, 

http://www.theprisma.co.uk

"තාත්තේ, මට සමාවෙන්න. කට්ටිය කිව්වට එංගලන්තේ ෂෝක් කියලා මටත් කරන්න දෙයක් තිබ්බේ නෑ. ඉතින් මම PROSTITUTE කෙනෙක් උණා."
 

අපායට හෙණ ගැහුවා වගේ තාත්තා උස්මුරුත්තාවටම වෙවුලලා ගියා.

"මොකක් කිව්වා. උඹ නම් ලැජ්ජා නැති රෝස බැල්ලියෙක්. පව්කාරි. උඹ මේ catholic ගෙදරට අවනම්බු කරා එහෙනම්? පල යන්න මගේ දෑහට නොපෙනී..."
 

"හරි තාත්තේ. මං තාත්තා කියන විදිහට යන්නම්. මං ආවේ අම්මට මගේ ලක්ෂරි ලොම් කබා ටිකයි, පවුම් මිලියන පහක් වටින කාමර දහයක ගෙයි ඔප්පුවයි දෙන්න. මල්ලිට ගෝල්ඩ් රොලෙක්ස් වොච් එකකුයි තාත්තට එලියේ පාක් කරලා තියෙන මර්සිඩීස් බෙන්ස් කාර් එකත් දෙන්නයි ආවේ..."
 

තාත්තා හුස්ම නාල්ලා බලන් ඉන්න අල්ල පනල්ලේ පොඩි හුස්මක් අරගත්ත කෙල්ල ආයේ කතාකරන්න පටන් ගත්තා, 

"ඒ වගේම අළුත් අවුරුද්ද කැරිබියන් මූදේ තියෙන මගේ අළුත්ම යොත් (yacht)බෝට් එකේ සමරන්න ආරාධනා කරන්නත් එක්කයි මං ආවේ.."

http://www.skyscanner.net

  තාත්තා කෙල්ල දිහා ටික වෙලාවක් බලන් හිටියා, 

"දැන් මොකක්ද උඹට උණා කිව්වේ?"
 

ආයෙම හොටු හූරන ගමන් කෙල්ල කියනවා, 

"තාත්තේ, මං PROSTITUTE කෙනෙක් උණා ලන්ඩන් වලදි."
 

"අනේ දෙවියනේ. මම බාගෙට මැරෙන්න තරම් බය උණා." තාත්තා අහසට අත් දෙක දික් කරගෙන කිව්වා,
 

"එන්න දුවේ මගේ ළඟට. මට ඇහුනේ මගේ සුදු දූ PROTESTANT කෙනෙක් උණා කියලයි!"

http://www.10percent.com